Xətai rayonu 265 saylı orta məktəb

Novruz bayramı

Muellima — Tue, 05 May 2015 19:27:06 GMT

Bakı şəhəri Xətai rayonu 265 nömrəli məktəbin 3a sinif şagirdləri məktəbdə Novruz bayramı tədbiri keçiriblər. Tədbirdə məktəbin rəhbərliyi və müüəllim heyəti iştirak edib. Məktəbin direktoru Yeganə Qurbanova çıxış edərək hər kəsi Novruz bayramı münasibətilə təbrik edib. O, tədbirin təşkilatçısı, 3a sinfinin rəhbəri Anilə Ələkbərovaya, eləcə də uşaqlara Novruz bayramı sevincinə görə təşəkkür edib. Uşaqlar tədbirdə qədim ənənələrimizi yada salıblar. Həmçinin Kosanı və Keçəli canlandıran tamaşalar da göstərilib.

Ümummilli lider Heydər Əliyevin anım günü

Muellima — Fri, 12 Dec 2014 14:55:41 GMT

12 dekabr ümummilli lider Heydər Əliyevin anım günüdür. Bu gün məktəbimizdə yerləşən Heydər Əliyevin stendi önündə anım mərasimi keçirilmiş, məktəbin müdiriyyəti, şagirdlər və müəllimlər bu mərasimdə iştirak etmişdir. Şagirdlər ülu öndərimiz haqqında şeirlər söyləmiş, onun stendi önünə tər güllər qoyaraq, əziz xatirəsini yad etmişdir. Heydər Əliyev dünyanın nadir, unikal, seçilən siyasət adamı idi. O, dünya siyasətinə təsir etmək gücündə olan lider idi. Liderlər var ki, siyasi fəaliyyət, dövlət idarəetməsi sahəsində uzun illər çalışıb püxtələşdikdən sonra tanınırlar. Elə adamlar da var ki, bu, onlarda fitrən mövcuddur. Heydər Əliyev məhz elə insan idi. Dahilər ölməzdirlər, tarixdə qoyduqları izlər onları əbədi edir. Bu gün Heydər Əliyevi Azərbaycan xalqı qəlbində yaşadır.

"Qunduz" ("Bebras") beynəlxalq informatika olimpiadası

Muellima — Tue, 09 Dec 2014 16:07:15 GMT

31 mart Dünya azərbaycanlılarının soyqırımı günü

Muellima — Sun, 06 Apr 2014 04:21:23 GMT

Hər il olduğu kimi bu il də dünya azərbaycanlılarının soyqırım gününü böyük bir hüznlə məktəbimizdə yad etdik.Biz bir daha erməni daşnaklarının Azərbaycan xalqına qarşı törətdikləri soyqırım haqqında şagirdlərimizi məlumatlandırdıq. Erməni daşnaklarının necə qəddar, amansız və vəhşi olduqlarını və azərbaycan xalqını soyunu kəsmək istədiklərini xatırlatdıq. Erməni alçaqlarının bizi məhv etmək istəkləri ürəklərində qaldı. Artıq demək olar ki, bütün dünya bizi tanıdı və neçə qüdrətli dövlət olduğumuzu hər kəsə sübut etdi.

Xocalı faciəsi-əsrin faciəsi

Muellima — Fri, 28 Feb 2014 06:54:06 GMT

Xocalı soyqırımı qurbanlarının xatirəsini yad etmək üçün məktəbimizdə 25
fevral 2014-cü il saat 12-də geniş tədbir keçirildi. Tədbirə
hadisələrin ərazidə yaşayan hadisələrin canlı şahidləri və şəhid
ailələrindən nümayəndələr dəvət olunmuşdu. Tədbirdə faciənin video
görüntüləri göstərildi, bayatılar, şeirlər səsləndi.
Tədbiri məktəbin
məktəbin ədəbiyyat müəllimi M. Aybəniz, təlim-tərbiyə işləri üzrə
direktor müavini Əsgərova Sona və musiqi müəllimi Zeynalova Mətanət
təşkil etmişdilər.

Məktəbimizdə "Fizika ayı"

Muellima — Mon, 11 Nov 2013 19:31:24 GMT

Elektron Təhsil müsabiqəsinin nəticələri bəlli oldu

Muellima — Wed, 11 Sep 2013 19:20:42 GMT

Fərqlənən iştirakçılar: Leyla Fəzail Quliyeva (Sumqayıt şəhəri 31 nömrəli tam orta məktəb), Roza Ələkbər Qasımova (Bakı şəhəri 225 nömrəli orta məktəb), Mahir Fəxrəddin Əzizov (Şabran rayonu 3 nömrəli tam orta məktəb), Ülfət Əli Həsənov (Cəbrail rayonu 8 nömrəli tam orta məktəb), Iranə Tahir Əlizadə (Zaqatala rayonu Humanitar Fənlər Gimnaziya), Mircamal Mircəlal Həşimov (Sabirabad Qasımbəyli kənd tam orta məktəb), Könül İsa Əliyeva (Zaqatala Tala kəndi 5 nömrəli orta məktəb), Ülfət Rahim İsfəndiyarov (Astara rayonu Təngərüd kənd orta məktəb), Nizami Xaliq Məmmədov (Qusar rayonu Piral kənd tam orta məktəb), Leyla Bəhman Bayramova (Ağdaş rayonu 7 nömrəli məktəb), Mehriban Əli Hüseyinli (Gəncə şəhəri 43 nömrəli tam orta məktəb), Sərvət Tacı Ağayev (Göyçay Qarayazı kənd tam orta məktəb), Nuru Varisan Həsənov (Zaqatala rayon Gimnaziya), Xəyalə Xeyrullah Quliyeva (Sumqayıt şəh. 29 nömrəli tam orta məktəb), Yeganə Nəsib Xəlilova (Bakı şəhəri 265 nömrəli orta məktəb), Günay Hidayət Məmmədova (Beyləqan r. Şəfəq qəsəbə orta məktəbi), Abdullayeva Rəna Xozeyn (Bakı Sənaye Pedaqoji Kollec), Əli Elşən Eminli (Sumqayıt şəh. 31 nömrəli tam orta məktəb), Məmmədova Sənubər Abdulrəhim (Bakı şəhəri 267 nömrəli məktəb-lisey), İsa Allahverdi Rüstəmov (Sumqayıt «İdrak» məktəb-liseyi), Əzizağa Fəyyaz Əhmədov (Ucar rayonu sakini), Azər Asif Abbasov (Rabitə İnformasiya Texnologiyaları Nazirliyi Məlumat Hesablama Mərkəzi).

Milli Azərbaycan Tarixi Muzeyinə ekskursiya

Muellima — Fri, 24 May 2013 04:51:31 GMT

Xalqımızın dahi oğlu Heydər Əliyev müstəqil dövlətimizin hər bir vətəndaşı, o cümlədən gənc nəsil qarşısında mühüm vəzifə qoymuşdur: "Gərək hər bir insan və xüsusən gənc
nəsil müstəqilliyin nə qədər müqəddəs olduğunu bütün varlığı ilə dərk etsin, onu qorumaq və möhkəmləndirmək üçün hər cür qurban verməyə hazır olsun. Bunun üçün isə o, ilk növbədə yüksək mənəviyyata malik olmalıdır, xalqımızın milli-mənəvi dəyərləri onun şəxsiyyətinin mahiyyətini təşkil etməlidir. O, azərbaycançılığın,
mənsub olduğu Azərbaycan xalqının mədəniyyətinin, ədəbiyyatının, incəsənətinin, elminin nə olduğunu dərindən bilməlidir". Heydər Əliyev zəngin tariximizi öyrənməkdə, milli-mənəvi dəyərlərimizə yiyələnməkdə, azərbaycançılığı hər zaman yüksək mövqedə tutmaqda olan gənc nəslin milli ruhda tərbiyə olunmasının zəruriliyindən bəhs edərək deyirdi: "Gənclərimiz milli ruhda tərbiyə olunmalıdır, bizim milli-mənəvi dəyərlərimizin əsasında tərbiyələnməlidir.
Gənclərimiz bizim tariximizi, milli dəyərlərimizi yaxşı bilməlidir. Milli dəyərlərimizi, milli ənənələrimizi yaxşı bilməyən, tariximizi yaxşı bilməyən gənc vətənpərvər ola bilməz".

Şagirdlərin milli-mənəvi tərbiyəsi, onlarda vətənpərvərlik hissinin formalaşması, məktəbimizin qarşısında duran əsas vəzifələrindən biridir. Bu məqsədlə hər zaman məktəbdə müxtəlif tədbirlər keçirilir. Belə tədbirlərdən biri də 21.05.2013-cü ildə təşkil edilmişdir. Məktəbin 8 q sinif şagirdləri sinif rəhbəri Yaqut Axundova, tarix müəllimi Elçin Mirzəbəyov, məktəbin psixoloqu Nəzakət Ağamirzəyeva ilə birlikdə
Milli Azərbaycan Tarixi Muzeyinə getmişlər.

Qeyd etmək lazımdır ki,Milli Azərbaycan Tarixi Muzeyi Azərbaycan tarixinin bütün dövrlərinə aid maddi və mənəvi mədəniyyət
abidələrinin toplanılması, öyrənilməsi, nümayişi və təbliği ilə məşğul olan elmi tədqiqat və mədəni-maarif müəssisəsidir. Bu gün muzeyin müxtəlif fondlarında vətən tariximizi yaşadan 300 minədək maddi mədəniyyət nümunəsi qorunur. Muzeyin kitabxanasında 80 mindən artıq əsasən, XIX-XX əsrin əvvəllərində çap olunmuş nadir jurnal, kitab, və qəzetlər toplanmışdır. Muzeyin Bakının ən
gözəl memarlıq abidələrindən olan binası 1895-1896-cı illərdə, o vaxtlar şəhərin baş memarı vəzifəsini daşıyan polşalı İosif Qoslavskinin layihəsinə əsasən tikilmişdi. Məşhur sahibkar və xeyriyyəçi Hacı Zeynalabdin Tağıyevin yaşayış mülkü olan bu sarayda 1920-ci ildən bəri fasilələrlə muzey fəaliyyət göstərir. 2004-2007-ci illərdə Azərbaycan Respublikasının prezidenti cənab İlham Əliyevin göstərişi və nəzarəti ilə muzeyin binası əvvəlki görkəmini saxlamaqla müasir muzey tələbləri səviyyəsində bərpa və təmir olundu. 8q sinif şagirdləri muzeyi böyük maraqla gəzmiş, Azərbaycan tarixinin müxtəlif dövrləri ilə tanış olmuşlar.

br>

Xocalı soyqırımını tanıyın

Muellima — Mon, 11 Feb 2013 08:29:12 GMT

ABŞ Ağ Evinin rəsmi internet səhifəsində Ermənistanın Azərbaycana qarşı təcavüzü və Xocalı Soyqırımı ilə bağlı səsvermə yaradılıb. Fevral ayının 22-nə qədər 100 min səs toplansa", "bu məsələ ABŞ Prezident administrasiyasında bir daha müzakirəyə çıxarılacaqdır. Artıq 40 min səs yığılmış olsa da", səsvermə dinamikası hələ ki, "zəifdir. Buna görə də hamımız bir nəfər kimi bu səsverməyə səfərbər olmalıyıq. Aşağıda qeyd edilən linki açmaqla siz səsvermənin mətni ilə tanış olacaqsınız.", "https://petitions.whitehouse.gov/petition/issue-proclamation-commemorating-and-recognizing-war-crime-khojaly-massacre-and-its-victims/W8BbDqYx", "Mətnin aşağı hissəsində siz CREATE AN ACCOUNT (HESAB YARAT) düyməsini görəcəksiniz.", - Email address-, - First name-, - Last name-, - Zip Bakı üçün AZ1000-, Siz özünüzə hesab yaratmalısınız ki, "sözügedən internet saytı sizə elektron məktub göndərsin. Məktubda verilmiş linki qeyd etməklə siz səs vermiş olacaqsınız.", "2. Dəyərli dostlar", qeydiyyatdan keçdikdən sonra, "siz asanlıqla elektron poçtunuzu və parolunuzu qeyd etməklə SİGN İN (İMZA ATIN) bölməsində növbəti səsvermələrə qoşula bilərsiniz. Digər səsvermə Ermənistan hərbi qüvvələri tərəfindən işğal olunmuş Azərbaycan ərazilərinin azad olunmasını tələb edən BMT Təhlükəsizlik Şurasının 822", 854, "874 və 884 saylı qətnamələrinin icra olunması ilə bağlı müraciətin imzalanması ilə əlaqədardır. Aşağıda qeyd olunmuş linkdə siz səs verə bilərsiniz:", "https://petitions.whitehouse.gov/petition/pay-close-attention-nagorno-karabakh-conflict-20-azerbaijan-territory-was-occupied-armenian-military/mkKddcRt"

"Dolu" filminin təqdimatı

Muellima — Mon, 17 Dec 2012 20:49:16 GMT

14 dekabr 2012-ci il tarixdə Xətai rayonu Y.Yusifov adına 265 №-li məktəbdə
millət vəkili, yazıçı Aqil Abbasın ssenarisi əsasında çəkilmiş ”Dolu” filminə baxış
keçirilmişdir. Tədbirdə millət vəkilləri, yazıçı Aqil Abbas ,filmin yaradıcı heyəti,
millət vəkili, yazıçı, Xətai rayon YAP təşkilatının sədri Hüseynbala Mirələmov,
Xətai rayon YAP icra aparatının rəhbəri Mayıl Kərimov , Xətai rayon İcra
Hakimiyyətinin nümayəndəsi Tofiq Məmmədov, Bakı şəhəri üzrə Təhsil idarəsinin
nümayəndəsi Fəttah Quliyev, "Bakı Təhsili” qəzetinin müxbiri Elnarə xanım və digər
qonaqlar iştirak etmişdir.

Tədbiri giriş sözü ilə açan məktəbin direktoru Y.M.Qurbanova tədbir iştirakçılarını
salamlamış, Qarabağ torpaqları uğrunda gedən döyüşlərə həsr edilmiş belə filmlərin
şagirdlərimizin milli ruhda böyüməsində, onlarda vətənpərvərlik hissinin daha da
güclənib, inkişaf etməsində böyük rol oynadığını qeyd etmişdir. Çünki, Qarabağ
müharibəsi bizim hələ də qanayan yaramız olaraq qalır və bu problemin həllində
bizim hər birimizin üzərinə böyük məsuliyyət düşür. Biz arzu edirik ki, hər bir
azərbaycanlının ağrılı yeri olan Qarabağ problemi tezliklə öz həllini sülhsevər
prizedentimizin rəhbərliyi altında tapsın və qələbəmizlə yekunlaşan Qarabağ
müharibəsi haqqında məlumatları tarixdən, dərsliklərdən şagirdlərimizə qürur hissi ilə
çatdıraq.

Sonra məktəbin direktoru Y.M.Qurbanova sözü millət vəkili, yazıçı, filmin ssenari
müəllifi Aqil Abbasa verdi. Aqil Abbas pedaqoji kollektivi, valideynləri, qonaqları
salamladı. Məktəbin hər bir şagirdin vətənpərvər şəxsiyyət kimi formalaşmasında
böyük rol oynadığını vurğuladı. Aqil müəllim tədbirə qatıldıqları üçün qonaqlara,
xüsusilə öz həmkarı, millət vəkili Hüseynbala Mirələmova təşəkkürünü bildirdi.
Sonra isə hamını filmə tamaşa etməyə dəvət etdi.

Filmin nümayişi zamanı zaldakı tədbir iştirakçıları böyük maraqla, həyəcanla
filmdə cərəyan edən hadisələrin gedişatını izləyirdilər. Hətta filmin bəzi səhnələrinə
baxanda şagirdlər və müəllimlər göz yaşlarını saxlaya bilmədilər.

Filmə baxışdan sonra millət vəkili, yazıçı Hüseynbala Mirələmov bu gözəl filmə
görə filmin ssenari müəlfi Aqil Abbasa dərin təşəkkürünü bildirdi, yaradıcılıq uğurları
arzuladı. Eyni zamanda filmin yaradıcı heyətinə də çəkdikləri bu filmlə zamanın
nəbzini tutduqlarını söylədi. Hüseynbala Mirələmov bu filmdə baş rolda çəkilən
Məmmədsəfanın yaratdığı komandir obrazının öhdəsindən müvəffəqiyyətlə gəldiyini,
bu obrazın insanda mübarizlik və döyüşkənlik ruhunu daha da gücləndirib, gələcək
nəslin bu torpaqları tezliklə azad etməyə səslədiyini bildirdi.

Millət vəkili Hüseynbala Mirələmovun sözlərinə görə "Dolu” filmi müharibə
mövzusunda çəkilən ən yaxşı mövzulardan biri kimi tarixdə qalacaq. Film bütün
tədbir iştirakçılarında kədər yaşatmasına baxmayaraq hamı tədbirdən böyük
təəsüratla ayrıldı.