8 aprel 2011-ci il tarixində  Xətai rayonu 265 №li orta məktədə Bakı şəhəri üzrə Təhsil İdarəsi Metodik Mərkəzinin təşkil etdiyi təlimatı seminarında "Biologiya fənninin tədrisi keyfiyyətinin yüksəldilməsində sinifdənxaric və məkdəbdənkənar tədbirlərin rolu" mövzusu ətrafında geniş müzakirə aparıldı. Seminarı giriş sözü ilə Bakı şəhəri üzrə Təhsil İdarəsi Metodik Mərkəzin metodisti Nigar Şərifova açdı.

     Nigar xanım müəllimlərə bu gün Azərbaycan cəmiyyətinin bütün sahəsində olduğu kimi,təhsildə də inkişafın,yeniliklərin olduğunu söylədi.Yaxşı bilik verən müəllimlərin həm də yaxşı tərbiyə verən şəxs olduğunu bildirən Nigar xanım biologiya fənninin tədrisi ilə yanaşı həm də sinifdənxaric,məktəbdənkənar tədbirlərin böyük əhəmiyyəti olduğunu söylədi.Bu tədbirlərin keçirilməsi ilə şagirdlər sinifdə aldıqları nəzəri bilikləri praktiki yolla bir daha dərinləşdirirlər.

       Seminarda 208 №li məktəbin biologiya müəlliməsi Gülbacı Salmanlı, 59№ li məktəbin biologiya müəllimi Böyükxanım Əliyeva "Ekskursiyasının təşkili"ilə bağlı çıxış etdilər.

Sonda 265№ li məktəbin biologiya müəllimi Cəlilova Alimə "Kök sistemi və kökün növləri" mövzusunda hazırladığı layihəni müəllimlərə təqdim etdi.

         Seminar yüksək işgüzarlıq şəraitində keçdi.