2 fevral 2011-ci il tarixdə Y.Yusifov adına 265 № -li orta məktəbdə "Gənclər Günü" qeyd olundu. Bu münasibətlə məktəbin direktoru Yeganə Qurbanova yuxarı sinif şagirdlərini və müəllimləri bir araya toplayaraq "Gənclər Günü" münasibəti ilə təbrik etdi. O öz çıxışında qeyd etdi ki, 2 fevral Gənclər Gününün qeyd olunması 1996-cı ildə ulu öndərimiz Heydər Əliyevin sərəncamı ilə təsdiq olunub.  

     Bu, Heydər Əliyevin gənclərə və gəncliyə göstərdiyi böyük qayğı və diqqətin bariz bir nümunəsi idi. Gənclər günü MDB- məkanında və Şərqi Avropa ölkələri arasında ilk dəfə olaraq Azərbaycanda qeyd olunur. Gənclərin müstəqil dövlətimizin inkişafında mühüm rolundan danışan Yeganə müəllimə bu günkü məktəb şagirdlərinin də gələcəkdə dövlətimizin və dövlətçiliyimizin daha da  çiçəklənməsində böyük rol oynayacaqlarına ümid etdiyini vurğuladı.

     Məktəbin fərqlənən bir neçə şagird və gənc müəllimi Fəxri Fərmanla məktəb müdiriyyəti tərəfindən təltif edildilər. 

     Adları aşağıda qeyd olunan gənc müəllimlər təlim və tərbiyə işində, həmçinin məktəbin ictimai işlərində xüsusi fəallıq göstərirlər.

      Hüseynova Ceyhunə Valeh qızı

      Məcidova Esmira Azil qızı

      Ağamirzəyeva Nəzakət Zöhrab qızı

      Rüstəmova Vüsalə Fazil qızı

      Bayramova Aynurə Fərhad qızı

     Məktəblilər arasında keçirilən bilik yarışında və müxtəlif idman yarışlarında qalib olan şagirdlər də Fəxri Fərmanla təltif olundular.

      Xasayeva Sevinc Azər qızı-  Bakı şəhəri üzrə məktəblilər arasında keçirilən bilik yarışında kimya fənni - I yer.

      Aslanova Günay Adil qızı  - Şeir müsabiqəsi.

      Yolçuyeva Sevinc Qadir qızı- Bakı şəhəri üzrə məktəblilər arasında keçirilən bilik yarışında coğrafiyya fənni - I yer.

      Abdullayeva Nərminə Məzahir qızı - Bakı şəhəri üzrə məktəblilər arasında keçirilən bilik yarışında ingilis dili fənni - I yer.

      Şirinova Bəyim Əbu-Bakir qızı- Bakı şəhəri üzrə məktəblilər arasında keçirilən bilik yarışında riyaziyyat fənni - I yer.

      Ələsgərov Mehman Rasim oğlu- Bakı Regionunun təsnifat yarışında  Yunan-Roma güləşi - I yer.

      Əyyubov Elxan Vüqar oğlu- Cudo üzrə açıq birincilik - II yer.

      Əliyeva Leyla Rahim qızı- Rəsm müsabiqələrinin qalibi.

   Eyni zamanda gənclərimizin belə yüksək nailiyyətlər əldə etməsində böyük rolu olan  müəllimlərimiz

        Cəfərova Bibixanım Ağaşirin qızı,

        Rzayeva Güllü Əlisa qızı,

        Seyidova Afaq Seyidəli qızı,

        Mərdanova Gülayət  Xeyrulla qızı

Fəxri Fərmanla təltif olundu.

      Təltif olunan  müəllim və şagirdlər öz təşəkkürlərini bildirib, bundan sonra öz üzərlərində mükəmməl işləyib, ulu öndərimizin tövsiyələrinə əməl edəcəklərinə söz verdilər.