Məktəbimizdə keçirilən növbəti  maraqlı tədbir 21.04.2010 tarixinə  təsadüf edir.Rus bölməsinin I "r"  sinfində Əlifba  bayramı keçirilirdi. Sinif rəhbəri Natalya müəllimə və şagirdlər bu bayramın maraqlı keçməsi üçün əllərindən gələni əsirgəməmişdilər. Şagirdlərin  azərbaycan, rus, ingilis dilində şeirlər deməsi, azərbaycan və xarici ölkələrin milli rəqsləri, bütün uşaqların sevimlisi olan nağıl qəhrəmanları  - Zoluşka, Buratino, Malvina, Qırmızı papaq  valideynlərin və şagirdlərin çox xoşuna gəldi. Cəmi 7-8 ay bundan əvvəl məktəbə gələrkən heç nə bilməyən şagirdlərin belə çıxışları valideynləri və müəllimləri çox sevindirdi.